Sunday

Horror Story Dead Never Lie ~ A Love Story part 14- Xstoryhindi

"arey aunti ji.. koyi hai kya?" Aman ne ek ghar ke bahar jakar aawaj lagayi...

"koun hai?" andar se lagbhag bhagti huyi ek chharhare badan ki lambi si gori ladki darwaje tak aate huye boli aur Aman ko dekhte hi khush ho gayi,"Aman! aaj kaise yaad aa gayi iss ghar ki.. aaj toh barish honi chahiye!" aur khilkhilate huye darwaja khol diya...," Aao!"

Aman aur babblu dono tahalte huye ghar ke andar ja pahunche..," Aunti ji kahan hai Gouri?"

"wo toh nahi hain.. Sham tak aayengi.. kuchh kaam tha?" Gouri ne unko pani dete huye kaha...

"Nahi.. kuchh khas nahi tha.. main fir aa jaunga.. achchha!" Aman ne pani pikar gilas table par rakha aur khada ho gaya... Babblu ne bhi waisa hi kiya....

"arrey.. ye bhi koyi baat huyi... abhi aaye aur chal bhi diye.. baitho na.. chay lati hoon banakar.." Gouri haq sa jatate huye darwaje par khadi ho gayi...

"Nahi Gouri.. aaj jaldi mein hoon.. wo Shekhar aaya hai.. jyada der akela chhoda toh bura maan jayega.. main baad mein aaunga..." Aman ne usko samjhate huye kaha..

shekhar ka naam Aman ke munh se sunkar Gouri ke kaan khade ho gaye.. achanak hi ascharya ki ek meethi si lehar uske chehre par doud gayi.. fir sambhalte huye boli," Shekhar aaya hai? kab? usko kyun nahi lekar aaye..? Kitne saal ho gaye use shakal dikhaye huye..?"

"wo.. darasal kuchh aur bhi dost hain wahan.. unko akela chhodna toh bilkul hi achchha nahi lagta.. sham ko bhej doonga.. agar aaya toh.." Gouri ki baju se bahar nikalta hua Aman bola..," darwaja band kar lo.. hum ja rahe hain..."

"theek hai.. " Gouri chahakti huyi unke sath aayi aur darwaja band karte hi badhawasi mein andar ki aur doud padi... andar jate hi usne fone uthakar ek no. milaya...

"Gouri, main class mein hoon.. baad mein baat karti hoon..." khusphusati huyi si aawaj fone par ubhari...

"Shilpa, sun toh.. fone mat rakhna.. baad mein pachhtayegi nahi toh?" Gouri ne kaha...

"kya hua.. ? tumhari saansein tej kyun chal rahi hain.. sab theek toh hai.." Shilpa ki aawaj ab bhi bahut dheemi thi....

gouri ne aankhein band karke apni chhatiyon par hath rakha aur badh chali dhadkano ko kaboo mein karne ki koshish ki," haan.. bus kya bataaauun...? sun.. wo.. shekhar aaya hua hai...!"

"kyaaaaaaa?" Shekhar ka naam sunkar Shilpa bhool hi gayi ki wo class mein hai.. fir hadbadate huye usne fone ko chhipane ki koshish ki toh poori class mein thahaka goonj utha...

"Get out of the class!" Lecturer ne padhana chhod usko ek line ka aadesh suna diya...

Poori claas ummeed kar rahi thi ki Shilpa ab maaf kar dene ke liye gidgidayegi.. sab usi ki aur dekh rahe the.. par uska jawaab sunkar sabhi chounk pade," Thanx Sir.. Thank you very much!" Shilpa ne ye sab bhagte bhagte hi kaha aur class se gayab ho gayi.. claas mein sannata chha gaya.. sab aankhein faade lecturer ki aur dekh rahe the aur lecturer aankhein fade darwaje ki aur...

Shilpa ne bhagte bhagte hi gate par aate hi auto pakdi aur bina tol mol kiye boli," jaldi chalo.. seedhe..!"


"kahan hai vo?" Girte padte sambhalte Shilpa Gouri ke ghar pahunchi.. badi mushkil se dhoukni ki tarah chal rahi apni saanson par kabu pane ki koshish karti huyi wah andar pahunchi aur Gouri ke alawa kisi ko bhi wahan na pakar khinn ho gayi...

Gouri lagataar uski aur dekh kar muskura rahi thi.. Shilpa ke sofe par pasarte hi wo boli," Poori baat sun toh leti.. mujhe pata tha.. tum ab seedhe yahin aaogi...!"

"Nahi.. wo toh professor ne nikal diya.. par hai kahan Shekhar?" Table par rakhe jug ko uthakar gatagat pani pite huye wo boli....

"Aman aaya tha.. usi ne bataya ki Shekhar aaya hua hai.. abhi wo usi ke paas hai.. sham ko aayega shayad...!" Gouri uthkar jug ko freeze ke upar rakhte huye boli...

"koun Aman?" Shilpa ne poochha....

"arey wahi yaar.. jo pahle hamare ghar ke paas rahte the... yaad nahi?"

"oh haan... par Shekhar uska dost hai kya?" Shilpa ne utsuktawash poochha...

"haan.. wo toh bachpan se hi achchhe dost hain.. tujhe Aman ka naam yaad nahi hai.. shakal se jaroor pahchan logi..." Gouri ne bataya...

"abhi rahega kya yaheen.. Shekhar!" Shilpa uthkar uske paas aa gayi...

"Mujhe kya pata? usi se poochh lena...!" gouri shararat se muskurane lagi....

Shilpa ne apne chehre par tair gayi sharam ki laali chhipane ke liye takiya uthakar gouri ke munh par de mara," kya ab bhi wo itna hi sharmila hoga? 3 saal ho gaye usko dekhe huye... tujhe yaad hai jab ek baar hum hide and seek khel rahe the toh galti se wo usi rajayi mein ghus gaya tha jismein main chhipi huyi thi.. he he he he.. pata hai kaise uchhal pada tha.. jaise usko kisi bichhu ne kaat liya ho.. uske baad wo kabhi hamare sath nahi khela... main wo din kabhi nahi bhool sakti Gouri.. poori jindagi nahi bhool sakti..." Kahte huye Gouri ne pichhe sir tika mand mand muskurate huye aankhein band kar li..

"haan.. tune batay tha..!" Gouri ne kuchh aur bhi yaad dilane ki koshish ki.. par shayad Shilpa toh pahle se hi usi pal mein khoyi huyi thi... wo jhatka bijli ke jhatke jaisa hi tha.. jitni tezi se uske hath ne Shilpa ke ladkipane ke ahsaas ko jagaya tha.. utni hi tezi se wo wapas bhi hat gaya.. aur Shilpa tadap uthi thi.. wo tadap aaj tak uske seene mein aag lagaye huye thi.. par uss aag ko bujhane ke liye usko 20 ki hone par bhi koyi aur hath gawara nahi tha.. usko sirf wahi hath chahiye tha.. wo uss'se tab bhi pyar karti thi.. aur aaj bhi karti hai.. sirf kabhi bol nahi payi thi...

"chaar saal baad!" Aankhein band kiye huye hi Shilpa ke munh se nikla...

"Kya?" Gouri ne poochha...

"aaj char saal baad wo mujhe dikhayi dega.. bhool toh nahi gaya hoga na...!" Shilpa ne dohraya.. aur aankhein khol di...

"tujhe kaise bhool sakta hai wo? tu hi toh uss'se sabse jyada jhagda karti thi.. aur fir manati bhi toh tu hi thi... aur bhool bhi gaya ho toh tu yaad dila dena.. Rajayi wali baat batakar.. he he he...!" Gouri hansne lagi....

"wo fir bhag jayega.. rajayi wali baat yaad dila di toh.. jhenpu kahin ka.. he he.. kitna pyara tha na wo.." Shilpa ki aankhein chamak uthi....

"tha kyun bol rahi hai pagal... wo toh abhi bhi hai.." Gouri ne usko toka....

"he he he.. par kya wo ab bhi itna hi cute hoga.. lallooram!" khud hi kahkar Shilpa khud hi sharma gayi.. takiya uthakar apne chehre ko dhak liya...

"yaar.. meri toh samajh mein nahi aa raha ki Nitin aakhir yahan aa kyun raha hai? aur wo bhi Shruti ko lekar?" Rohan vichlit sa baitha kuchh sochte sochte achanak bol pada...

"are bhai ismein itna dimag khapane wali baat kounsi hai.. aa raha hai toh aane de.. uski bhi sun lena.. dikkat kya hai?" shekhar ne Rohan ke paas baithkar uske kandhe par hath rakh liya...

"wo baat nahi hai yaar... par wo rahenge kahan? Nitin ko bhi adjust kar lete.. par Shruti...!" Bolte bolte wah achanak ruk gaya...

Paas baitha Ravi mouke ka fayda uthane se nahi chooka," yaar, ladki ki itni dikkat maan raha hai toh main rakh loonga na, apne room mein.. he he he...!"

"tujhe iske alawa bhi koyi kaam hai ki nahi.. jab dekho..." Rohan boukhla sa gaya...

"yaar, iss baat ko toh bhool hi jao.. itni badi kothi main kya 6 log bhi nahi rah sakte..?" Shekhar ne usko fir samjhane ki koshish ki...," agar jarurat huyi bhi toh hum room share bhi toh kar sakte hain.. ladki akeli rah legi... kya dikkat hai.."

"wo baat nahi hai yaar.. pahle hi aapne aur Aman bhai ne hum par ahsaan kar rakha hai...." rohan bol hi raha tha ki Shekhar ne usko pyar se lataad lagayi..," tumne khoob dost mana bhai.. ahsaan ki baat kahkar toh mujhe sharminda hi kar diya.. Aman ko tum theek se jaante nahi ho.. yaaron ka yaar hai wo.. agar tum poori jindagi bhi yahan rahna chaho toh uske chehre par shikan nahi aayegi.. bulki wo toh aur bhi khush hoga.. Akela rah rah kar hi toh wo sharaab ka sahara lene lag gaya.. uss jaisa 'dost' na maine kabhi dekha hai.. aur shayad na hi tum kabhi dekh pawoge.. just relax and concentrate on Neeru, OK?"

"theek hai yaar... par main koshish karoonga unhe jald wapas bhejne ki..." Rohan ne kaha hi tha ki Aman kamre mein aa gaya," Kisko jaldi bhej rahe ho bhai?"

"Wo yaar.. mera ek dost aur aa raha hai kal.. ek ladki bhi hai sath mein...!" Rohan ne jawab diya...

"arey wah.. fir toh party honi chahiye yaar... wo.. ladki personal hai kya?" Aman ne kuchh rukkar poochha...

"Nahi yaar.. wo aisi nahi hai.. bahut hi shareef aur bholi hai.. uske sath koyi lafda nahi pls... mujhe toh yahi samajh nahi aa raha ki Nitin usko layega kaise? matlab uske ghar par kya kahega....?" Rohan ne aman ki aur dekhte huye kaha...

"Shareef ladkiyon se toh mujhe waise hi darr lagta hai bhai.. main toh chalu ladkiyon se hi kaam chala leta hoon.. chal aane de.. dekhte hain teri uss shareef aur sharmili ladki ko bhi.. aaj ka kya program hai.. party karte hoge na?" kahkar Aman hansne laga...," aur tera kya khayaal hai.. Salma ko bulaaun ki nahi.. Raat ko aane ko bol rahi hai?" Usne Ravi ki aur aankh mari....

"kitne baje tak aa jayegi..? ha ha ha!" Ravi ne kahkar thahaka lagaya...

Uski baat ka jawaab dene hi wala tha ki Aman ko Gouri ki baat yaad aa gayi, usne Shekhar ki aur dekha aur bola," Gouri yaad hai tumhe?"

"Gouri? ... achchha gouri.. ha...haan.. yaad hai.. kya hua?" Shekhar ko achanak yaad aa gaya...

"tumhe bula rahi thi.. ghar par..! sham ko chale jana... Ek baar.." Aman ne kaha..

"Mujhe? .. par mujhe kyun?" Shekhar ne achambhit hote huye poochha...

"ye le! ye bhi main hi bataunga.. kuchh chakkar hoga tumhara uske sath.. jane se pahle...!" Aman ne chatkhara liya...

"Nahi yaar.. aisi toh koyi baat thi hi nahi... jahan tak mujhe yaad hai.. aur ek aur bhi toh ladki rahti thi unke sath wale ghar mein.. ummmm...Shilpa!" Shekhar ko naam achchhi tarah yaad tha.. par jaan boojh kar usne yaad sa karne ka natak kiya.. nahi toh Aman uski abhi leni shuru kar deta... 'rajayi' wali baat wo bhi aaj tak nahi bhoola tha.. .. pahla sparsh koun bhool sakta hai bhala...

"humm.. wo bhi wahin rahti hogi ab bhi.. uski mummy ko dekha tha maine.. gadi se utarte huye.. uske sath kuchh panga tha kya?" Aman ne poochha...

"sabko apne jaisa nanga kyun samajhta hai tu.. ladki ka naam aate hi tujhe 'panga' najar aane lagta hai.." Shekhar kahte hi hansne laga....

"theek hai.. chala jayega na... chala jana yaar ek baar.. nahi toh wo samjhegi maine bola hi nahi hoga...!" Aman ne serious hote huye kaha...

"humm.. chala jaaunga...!" Shekhar ki aankhon mein Shilpa ko dekhne ki lalak ubhar aayi thi....

b:if cond='data:view.isPost'>                                                                   

If you want to comment with emoticon, please use the corresponding puncutation under each emoticon below. By commenting on our articles you agree to our Comment Policy
Show EmoticonHide Emoticon

हमारी वेबसाइट पर हर रोज नई कहानियां प्रकाशित की जाती हैं