Sunday

Horror Story Dead Never Lie ~ A Love Story part 10- Xstoryhindi

"naam kya hai aapka?" Ravi se jyada der chup baitha nahi gaya..

"shekhar!" youvak ne hulka sa muskurate huye kaha aur fir poochha," apna bhi bata do yaar.. tum waise bhi manoge nahi.. bina bataye...!"

"Ravi.. aur ye jo pichhe baitha mujhe ghoor raha hai.. ye Rohan hai.. mera sabse pyara dost.. ye mat samajhna ki ye gusse mein hai.. darasal kareeb 2 mahine se iski shakal hi aisi rahti hai...

"aisa kya ho gaya bhai.. g/f rooth gayi kya?" Shekhar ne pichhe dekhte huye kaha..

"nahi bhai.. aap abhi tak bhi nahi samjhe kya isko! ye aisa hi hai.. iski kisi baat ka bura mat maan'na.." Rohan gadi mein baithne ke baad pahli baar bola..

"ha ha ha.. wo toh main dekh hi raha hoon.. waise batala koyi rishtedari hai kya?" Shekhar ne poochha...

Rohan ke bolne se pahle hi Ravi bol pada," Rishtedari? aji mujhe toh abhi ye bhi nahi pata ki footpath par sulayega ya koyi hotel bhi naseeb hoga ki nahi..jane kya rakhkar bhool gaya hai batala.." Ravi ne munh banaya..

"jahan main sounga wahan toh sula hi loonga.. ab tere liye wahan hotel toh kholne se raha main.." Rohan ne kaha...

"waise batao toh yaar.. ja kis kaam se rahe ho.." Shekhar ko jaan'ne ki utsukta huyi...

"abhi mujhe hi nahi bataya toh tumhe kya batayega..? waise 5-7 din ka kaam bol raha hai... ab bata bhi de yaar.. kyun dimag ki dahi kar raha hai..?" Ravi ne Rohan ko dekhte huye kaha...

Rohan khidki se bahar dekhne laga.. usko kuchh na bolta dekh Shekhar hi bol pada..," waise agar 5-7 din ki baat hai toh tum mere sath rah sakte ho.. wahan mere dost ki kothi hai.. akela hi rahta hai.. agar tumhare secret mission par koyi aanch na aa rahi ho toh?"

"thanx yaar.. tu toh mujhse bhi kamaal ka hai.. bina jane poochhe hi sath rahne ka offer kar diya... apni khoob jamegi lagta hai.. " Ravi ne khush hokar kaha...

"tumhe jaan'ne mein kisi ko waqt hi kitna lag sakta hai.." Shekhar ne kaha aur hansne laga... Rohan bhi muskuraye bina na rah saka...
Achanak gadi ke break lagte hi Rohan aur Ravi ka dhyan aage ki aur gaya..

"oh teri.. ye toh wahi bus hai.." Ravi ne kaha...

Bus sadak ke beenchon beech khadi thi... uske saamne tracter khada tha.. shayad bus ka accident ho gaya tha.. bus ke paas hi 8-10 sawariyan khadi thi.. unmein hi Ravi ki anarkali aur 'wo' gulabo bhi thi... Ravi ka dhyan seedha unhi par gaya..

"ek minute rokna shekhar bhai" Ravi ne kaha aur bahar munh nikal kar jor se aawaj lagayi...," aa jao.. aa jao.." jaise unki purani jaan pahchan ho...

Lekin shekhar ko ab ki baar gussa nahi aaya.. wah bus Ravi ko dekhkar muskurata raha...

Ravi ke aawaj lagate hi unn dono ladkiyon ko chhodkar sabhi sawariyan bhagi bhagi aayi...

"thankyou bhai sahab!" unmein se ek sawari ne bahar paas aate hi kaha...

"arey bhai.. kiraye ki nahi hai.. apni hai apni.." Ravi ne kaha aur gadi se utar kar unn ladkiyon ki aur chala gaya," aa bhi jao.. kab tak khadi rahogi.. bus toh ek ghante ke baad aayegi na..."

Dono ladkiyon ne lajjit hokar apna munh fer liya.. kuchh der pahle hi toh Ritu ne uska ulloo banaya tha...

"soch kya rahi ho anarkali & party... ye sochne ka nahi gadi mein baithne ka time hai.. jaldi karo.. aa jao.. main gadi ko 2 minute se jyada rukwa nahi paaunga.." Ravi ne kaha aur ghoom kar wapas chala gaya....

"Kya karein? chalein?" Ritu ne poochha...

"tu pagal hai kya? dimag toh nahi satak gaya hai..? anjaan ladkon ke sath.. hum gadi mein baithenge.. jara soch ke bola kar yaar..." Dusri ladki ne saaf mana kar diya...

"arrey anjaan wanjaan kuchh nahi hain... aur fir ab andhera bhi hone lagega.. sari basein bhari huyi aa rahi hain... kab tak wait karenge...? jahan tak iss lalloo ki baat hai.. isko main achchhi tarah samajh gayi hoon.. iski bus bolne ki aadat hai.. kuchh karne warne ka dum nahi hai ismein.. aur dusra ladka toh ekdum shareef hai.. sholey ke amitabh jaisa.. wo toh kuchh bolta bhi nahi.. chal na kuchh nahi hota.." Ritu ne uska hath pakadte huye bola...

ladki ne gardan ghumakar gadi ki aur dekha.. aur kuchh der ruk'kar sath sath chalne lagi.. unke gadi ke paas jate hi rohan ne khidki khol di aur ek taraf ho gaya..

"tu baith pahle.." Ladki ne Ritu se kaha..

"theek hai.." Ritu Rohan ke sath beech mein baith gayi.. aur uss ladki ke baithne ke sath hi Shekhar ne gadi chala di.. uski samajh mein ab tak nahi aaya tha ki majra kya hai..

Par Ravi tha na.. gadi ke chalte hi shuru ho gaya," inse miliye bhai sahab.. ek hai Anarkali aur dusri Gulabo.. agar aaj ye na hoti toh na toh hum aur aap mil pate.. aur na hi hamara batala mein rahne ka itna achchha intjaam hota..." kahkar Ravi hansne laga...
"aisa kyun?" Shekhar ne utsuktawash poochha...

"wo toh tum inhi se poochh lo.. warna toh mein bataunga hi.. namak mirch lagakar.. bata do ab.. anjan musafiron ke sath ki gayi apni kartoot..."

Ladkiyan sir jhukaye baithi thi.. unse kuchh bola hi nahi ja raha tha... Shekhar ne baat ko wahin chhod diya aur poochhne laga," waise jana kahan tak hai aapko?"

"Ji batala.." Ritu ne sir jhukaye huye hi jawab diya...

"hummm.. matlab ek hi manjil ke musafir hain.." Shekhar ne kaha aur gadi ki speed badha di....

---------------------------
"kaho toh ghar chhod aayein.." batala pahunchte hi ladkiyon ne gadi rokne ko kaha toh Ravi ne chatkhara liya...

Bina kuchh bole ladkiyan gadi se utar gayi.. fir achanak wapas mudte huye Ritu aage gayi aur Boli," thanx..... and sorry!"


"kya ladkiyan thi yaar...? ye kahan mil gayi tumhe?" Shekhar ne ladkiyon ke jate hi Ravi ko dekhte huye sawaal kiya..

"kahan ladkiyan thi yaar...? ahsaanmand hona chahiye tha inko.. main le aaya.. khali thanx bol kar chali gayi.. kam se kam apna mobile no. toh dekar jati..." Ravi ne kahte huye iss tarah munh banaya mano sach mein hi usko unka chale jana achchha nahi laga ho...

mobile shabd sunkar Ravi ko ek phone karne ki soojhi.. aur jeb ko hath lagaate hi wah uchhal pada," oye.. mera phone?"
"kya hua? shekhar aur Ravi ek sath bol pade...

"phone gaya.. kahin nikal gaya shayad.." apni shirt aur jean ki sabhi jebon mein tatolne ke baad Ravi hatasha se bhar gaya....
"ohh..!" Ravi ke munh se nikla..,"ab?"

"ek minute.. no. batana.." Shekhar ne apna mobile nikalte huye kaha...

Rohan ke no. batane par Shekhar ne dial kiya..," humm.. fone toh yaar kisi galat aadmi ke hath lag gaya.. switched off aa raha hai..!" kahte huye achanak mobile screen par dekhte huye Shekhar lagbhag uchhal hi pada," Aap.. Rohan hain?"

"aur main Ravi.. abhi bataya toh tha bhai..." Rohan ke bolne se pahle hi Ravi ne jawab de diya...

"Nahi.. matlab mera matlab Aap Sky View Estate ke malik Rohan hain?" Shekhar ne chounkte huye gadi ko break laga diye...

"Malik toh mere pitaji hain.. main toh sirf unka waris hoon.. abhi maine office dekhna shuru nahi kiya.. padh hi raha hoon abhi... par... aapko ye sab kaise pata?" Rohan ki dilchaspi apne mobile se hatkar Shekhar par aa gayi...

"Meri aapse baat huyi thi.. kuchh din pahle.. Gurgaon mein aapki nayi construction mein hissedari ko lekar.. yaad hai? aapne apne father ka no. diya tha.. aur haan.. aapne apna naam bhi Rohan hi bataya tha..." Shekhar hatprabh sa usko dekh raha tha...

"Sorry.. mujhe yaad nahi hai.. actually pitaji ne mera no. bhi visiting cards par daal rakha hai... isiliye aksar jab unka fone off rahta hai toh mere paas call aa jate hain..."

"humm.. maine bhi aapka no. cards se hi nikala tha.. aur aapke naam batane par maine no. ko Rohan S.V. Estate naam se save kar liya tha.. kamaal ho gaya yaar.. mujhe ab bhi visvas nahi ho raha ki main itne bade aadmi ke sath baitha hoon..." Shekhar vastav mein hi aascharyachakit tha... usne apna hath Rohan ki aur badha diya jise Rohan ne dono hathon se pakad liya...

"fir baat bani ki nahi...?" Ravi ne Shekhar ko toka...

"kis baare mein?" Shekhar ne uski aur dekhte huye poochha...

"partnership ke baare mein.. aur kya?"

"haan.. wo toh pahle hi done thi.. sirf kuchh formalities baki thi..." Shekhar ne Gadi chala di...

"fir toh bahut achchha ho gaya yaar... ab hum teeno partner hain.. ab tumhare paas rahkar muft ka khate huye sharm nahi aayegi... ha ha ha!" Ravi ne apna hath badha uss'se hath milaya...

"par ek baat samajh mein nahi aayi yaar... yahan batala mein? aur wo bhi bus se?" Shekhar ke dimag mein abhi bhi kafi sawaal the....
"sab iski kartoot hai.. bola driver ko lekar nahi chalna.. aur itni door gadi chalane mein dikkat hogi...!" Ravi ne munh banate huye kaha...
"par fir bhi yaar.. yahan iss chhote se shahar mein aisa kya kaam nikal aaya..?" Shekhar ne poochha...

Ravi ne pichhe mudkar Rohan ki aur hath jodkar chehra jhuka liya," Ab toh bata do gurudev! ab toh aapka batala bhi aa gaya..."
Ravi ko toh batana hi tha.. apne hum umra Shekhar ko batane mein bhi Rohan ko koyi nuksaan najar nahi aaya...," darasal main ek ladki ke liye yahan aaya hoon...!"

"oye.. teri toh.. tune ladki ke liye mujhe itni door ghaseeta... ye durgati ki.. wahan ladkiyon ki kami hai kya... jiski bolta uski.... aur college mein tujh par lattoo ladkiyon ki ginti bhi yaad hai tujhe..? wahan toh bajarbhattoo bana baitha rahta hai.. ladki ke liye aaya hai yahan... mujhe nahi chalna tere sath.. utaar neeche abhi... gadi rok shekhar bhai.. abhi ke abhi gadi rok..." Ravi jaane kya kya bolne laga...

Shekhar ne sach hi gadi ke break laga diye..

"majak kar raha hoon yaar... chal na jaldi.. bahut bhookh lagi hai.. he he he.. aur pyas bhi..." Ravi ne Shekhar ko chalne ka ishara kiya aur hansne laga....

Shekhar bhi muskura diya...," aur kahan chalein.. aa toh gaye...!"

"ohh.. mujhe laga abhi tum dono mujhe jabardasti utaar doge.." Ravi muskuraya aur gadi se utar gaya... Rohan ke bahar nikalte hi Ravi uske kandhe par hath rakh kar usko ek taraf le gaya," Ye ladki ka kya maam'la hai veerey..?"
"batata hoon yaar.. sab batata hoon..." Rohan ne kaha aur teeno milkar saamne wali timanjila safed kothi mein chale gaye... Gate par hi unhe Gatekeeper ne rok liya..," kiss'se milna hai sir?"

"usi ulloo ke patthe se... jo iss ghar ka malik hai.. Aman se.. khol bhi de ab yaar..." Shekhar ne chidte huye kaha.....

"par.. par sahab busy hain sir.. kisi ko bhi nahi aane dene ke liye bola hai.. ek ghante tak aur..."


"sala.. ladki liye pada hoga.. daru aur ladki ke alawa wo kuchh karta bhi hai.." Shekhar mann hi mann badabadaya aur phone nikal kar uska no dial karne laga....


"oye yaar Shekhar!" Aman tezi se chalta hua neeche utar kar aa hi raha tha ki Shekhar unn dono ko lekar upar hi pahunch gaya.. barmoode aur baniyan mein wah aate hi shekhar se lipat gaya...

"saale nangde.. aaj toh kam se kam intjaar kar leta.. subah subah hi chalu ho gaya tha kya?" Shekhar ne majak mein kaha...

"he he he.. nahi toh!" Aman ne hanste huye kaha...

"Nahi toh matlab? aur kya sharab ki smell ka perfume lagane laga hai kya?" Shekhar ne uske munh ke paas munh lakar soonghte huye kaha...

"haan.. yaar.. wo chhota sa program ban gaya tha..." Aman ne kaha aur Rohan aur Ravi se hath milata hua bola," Ye bhai?"

"bhai hi samajh le.." Shekhar kahte huye uske bedroom ki aur jane laga...

"Nahi yaar.. yahan nahin.. chal.. neeche hi baithte hain.." Aman ne shekhar ka hath pakad liya...

"Kyun? yahan kyun nahi? dekhoo toh sahi.. brand kounsa le raha hai aajkal.." Shekhar ne kaha aur jabardasti bedroom mein ghus gaya.. andar jate hi bahar khade teeno logon ko uske jordaar thahake ki aawaj sunayi di.. agle hi pal wah wapas bahar tha.. uski hansi thamne ka naam nahi le rahi thi.. hanste hanste hi bola," abey.. 2 -2 ek sath.." fir paas aakar dheere se bola," mujhe nahi pata tha tu itna kameena ho jayega ek din.. ab randiyan bhi lani shuru kar di..."

Aman Ravi aur Rohan ke saamne kuchh sharma sa raha tha," aisa mat bol yaar.. tujhe randiyan lagti hain wo.. girlfriends hain meri..."
"maine chehra nahi dekha...!" Shekhar kahkar chup huaa hi tha ki Ravi ne beech mein taang ghusa di," 2-2 girlfriends ek sath? kaise manage karta hai bhai?"


"kya karein yaar... apna dil hi itna bada hai! ha ha ha.. chalo neeche chalte hain.. inko aaram karne do yahin" Aman ne kaha aur unko lekar neeche chala aaya..."

Tabhi dono ladkiyan bedroom se bahar nikli aur Sir jhukaye wahan se chup chap khisak gayi....

-----------------------------------------------

Neeche jate hi unko drawing room mein baithate hi Aman ne Rohan aur Ravi se mukhatib hote huye poochha," thodi bahut chalegi kya? ya khana lagane ko bol doon..."

Rohan ne koyi pratikriya nahi di par Ravi ka dhyan upar se neeche nahi aa pa raha tha,"wo dono personal thi ya time paas?"

Aman par nashe ka hulka hulka suroor toh tha hi.. usne kisi darshnik ki tarah se lamba chuda bhasan dena shuru kar diya," mera toh main khud hi personal nahi hoon yaar.. ladkiyan kya khak personal hongi.. bus jindagi jaise chala rahi hai.. waise chal raha hoon.. soorat dekhkar ladkiyan pat jati hain aur paisa dekhkar bister par aa jati hain.. ladkiyon ke maamle mein serious hona toh main ekdum pagalpan maan'ta hoon..."

"ye huyi na baat yaar... tu ekdam sahi aadmi hai.. ek isko dekho.. ek ladki ke chakkar mein dhakke khata hua yahan aa gaya hai..." Rohan ke lakh ishare karne par bhi Ravi kahe bina nahi mana...

par Aman samajhdaar ladka tha.. do minute pahle hi kahi gayi apni baat se mukar gaya," wo toh apni apni mentality hoti hai yaar.. aur ho sakta hai isko kismat se koyi sachcha pyar karne wali mil gayi ho.. par aisi hoti hajaron mein ek aadh hi hai.. warna toh.. ab bus kya kahoon.. inn upar wali ladkiyon ko hi dekh lo!"

"Dekh loon?" Ravi toh jaise isi baat ko pakadne ke liye munh khole baitha tha.. jaise hi Aman ne example ke tour par unn ladkiyon ka naam liya.. jhat se Ravi ne 'dekh lo' pakad liya...

"kya?" Aman ne Ravi ki aur dekha...

"ladkiyon ko.. aapne hi toh kaha hai.. upar wali ladkiyon ko dekh lo... kab dikha rahe ho?" Ravi ne batteesi nikalte huye kaha...

"hahahaha.. tu ek no. ka aadmi hai yaar.. par jara sambhal kar raha kar..... inn sali ladkiyon ka koyi bharosa nahi hota.. kab sali natak karne lag jayein.. kab pichhadi maar dein..." Aman ne hanste huye Ravi ki aur aankh mari.....

"Main abhi aaya.. bus do minute..." Ravi ne kaha aur bahar nikal gaya....

"kamaal ka aadmi hai yaar.. meri aise logon se bahut banti hai..." Aman ne kaha aur fir Rohan ko dekhte huye bola," tum aise gumsum kyun baith gaye yaar.. aaj masti karo.. kal ladki se bhi mil lena... theek hai na..?"

"aisi koyi baat nahi hai yaar.. bus main theek hoon.. Ravi ki baaton ka bura mat maan'na yaar.. ye jara munhfat hai.. jo man mein aaye bol deta hai.." Rohan ne kaha...

"ye kya baat kah di yaar.. agar dobara aisa bola toh tujhse bura jaroor maan jaaunga.. hum toh yaaron ke yaar hain yaar.. aur fir Shekhar ke yaar toh mujhe uss'se bhi ajeej honge ki nahi... ye.. Shekhar kahan chala gaya?" Achanak Aman ka dhyan Shekhar par gaya.....

"yahin hoon bey.. fresh ho raha tha.. subah se chala hua hoon.. peshab tak nahi kiya tha raaste bhar.." Shekhar bathroom se nikalte huye bola...

"saale.. mujhe pata hai tu andar kya kar raha hoga... ladkiyan dekh kar mann machal gaya tha kya?" aur Aman kahte hi jor jor se hansne laga...

"sala.. piyakkad.. hamesha bakwas karta rahta hai... wo.. Ravi bhai kahan gaya.." Shekhar ne Rohan ke paas baithte huye poochha....

"Bahar gaya hai...shayad unn ladkiyon ke pichhe..." Rohan kahte huye muskurahat ko chehre par aane se nahi rok paya.....
 

b:if cond='data:view.isPost'>                                                                   

If you want to comment with emoticon, please use the corresponding puncutation under each emoticon below. By commenting on our articles you agree to our Comment Policy
Show EmoticonHide Emoticon

हमारी वेबसाइट पर हर रोज नई कहानियां प्रकाशित की जाती हैं