Sunday

Horror Story Dead Never Lie ~ A Love Story part 16- Xstoryhindi


    Raat ke kareeb 11 baj chuke the... Sabhi ko apne apne room mein gaye aadhe ghante se upar ho chuka tha.. Bister par leti huyi Shruti ki aankhon mein neend ka naamonishan tak nahi tha. Wah Rohan ke baare mein hi soch rahi thi.. Dopahar mein bedroom ki aur jaate huye Rohan ka usko rokna aur fir muskurate huye kahna ki 'ek baar sirf tumhara chehra dekhna chah raha tha..' ye baat uske dil ko chhoo gayi thi.. yakeenan ek baat toh sapast ho hi chuki thi.. Rohan ek sachcha pyar karne wala tha.. Nitin ki tarah usmein chhal kapat ya kisi tarah ka lalach leshmatra ko bhi nahi tha.. Usko mahsoos hua ki Rohan uske dil mein utar chuka hai.. Na utarne ki koyi wajah bhi toh nahi thi.. Rohan jaisa pati toh kismat waliyon ko hi milta hai..


Karwat lete huye Shruti tadap uthi jab usko khayal aaya ki rohan ke prati uska lagaav sirf ek chhalawa hai.. wah toh Nitin ke hathon ki kathputli ban chuki hai aur shayad jindagi bhar bhi uss'se nijat nahi pa sakti.. Rohan ke sath shadi toh uski khuskismati hi hogi.. par aage kya hoga? Shruti ne gahri saans li...

Achanak uska fone baj utha.. jo aaj hi Nitin ne usko khareed kar diya tha.. uske alawa kisi aur ki call ho hi nahi sakti thi.. uthkar usne apne purse mein se fone nikal aur kaan se laga liya,"Hello!"

"so toh nahi gayi ho na jaane man?" Nitin ki aawaj fone par ubhari...

"haan.. so hi gayi thi.. fone ki aawaj par uthi hoon..!" Shruti ne jaan boojh kar neend mein hone ka natak kiya...

" Ye sone ke din nahi hain idiot! kuchh karne ke din hain.. fir toh sari umar hi chain se sona hai.. jaldi mere room mein aao!" Nitin ne aadesh sa dete huye kaha..

"par.. iss waqt.. yahan..." Shruti tadap si uthi...

"tum kintu parantu bahut karti ho.. chup chap jaldi bahar nikal kar beech wale bedroom mein aa jao.. sab so chuke hain..!" kahte hi Nitin ne fone kaat diya...

Apne gusse ko phone patak kar utaarne ki koshish karti huyi Shruti uthi aur dressing table ke saamne khadi hokar apne kapdon aur baalon ko durust karne ke baad bahar nikal gayi...
---------------------------
"aao meri jaan.. jara darwaja band kar lo!" nitn ne uske andar aate hi kaha..

kuchh khayal aate hi glani mein Shruti ne munh fer liya..," Mujhse ab ye sab aur nahi hoga.. pls!"

"arey.. main kab kuchh karne ko kah raha hoon apne sath.. ha ha ha.. ye batao, sab theek se lapet liya na Rohan ko...!" Nitin ne poochha...

"Nahi.. unhe meri kisi baat ka visvas nahi hua mujhe lagta hai.. tum ye koshish chhod hi do toh achchha hai...!" Shruti ne jaanboojh kar aisa kaha....

"par.. mere saamne toh aisi koyi baat nahi kahi usne.. iss baare mein koyi jikar tak nahi kiya.. na hi koyi aur sawaal poochha.. tum ye kaise kah rahi ho ki usko visvas nahi hua?" Nitin vichlit sa hota hua bola...

"ho sakta hai unhe tum par bhi shak ho gaya ho.. isiliye na kaha ho tumse.. par unhone aise bahut se sawaal kiye the jinka mein jawab nahi de payi.. aur tum bhi nahi de sakoge.. aakhir mein dekh lena.. na tum kahin ke rahoge aur na hi main.. pls.. ye natak band karo ab.. abhi toh hum ye bhi kah sakte hain ki tum majak kar rahe the.. apne sath mujhe bhi iss daldal mein mat ghaseeto pls.. jo hona tha ho chuka.. meri ijjat se tum khel hi chuke ho.. kyun mujhe jaan dene par majboor kar rahe ho..." Shruti ek hi saans mein bolti chali gayi...

"Tumhe galatfahmi hai.. wo baaton ko parakh kar dekhne ke najariye se nahi sunta... wo sabko apne jaisa hi samajhta hai.. waise aisa kounsa sawaal kiya tha usne.. jiska jawaab tum nahi de payi...?" nitin ne poochha...

"mujhe yaad nahi hai.. pls mujhe jaane do wapas.. apne ghar.. main tumhare hath jodti hoon.." Shruti gidgidati huyi ghutno ke bal baith gayi.. aur subakne lagi...

"Tum aise haar maan gayi toh mera kya hoga..? bolo.." Nitin ne uthkar uske kandhe pakde aur khadi kar diya.. Shruti poori tarah toot chuki thi," Main apni jaan de doongi..!"

"Tumhare akele ke jaan dene se kaam chal jata toh main tumhe pahle hi marne ki salaah de deta... par agar tumne aisa kiya toh tumhari movie sabse pahle mein tumhare hi ilaake mein bechoonga.. socho tumhare bapu par kya gujaregi.. wo na ji payenge aur na mar payenge.. unki bhi toh kuchh socho!" Nitin ke chehre par kutsit muskaan ubhar aayi...

Shruti ka antarman bilbila utha," bapu ke baare mein aisa kyun kah rahe ho.. ? main kar toh rahi hoon sab kuchh.."

"shabash! isi hounsle se kaam karogi, tabhi baat banegi.." Nitin Almari ke paas gaya aur wapas mudte huye bola," Lo! ye pahan lo!" kahte huye usne gadhe neele colour ki ek jheeni si nighty uski aur uchhal di.. Nighty ka kapda bahut hi hulka aur patla tha..

usko dekhte hi Shruti Bilakhti huyi boli," par tumne wada kiya tha ki dobara tum mere sath ye sab nahi karoge... kyun mujhe jinda lash banane par tule huye ho.."

"jab tak tum mera kaha maanti rahogi, main apna wada nahi todoonga.. haan.. tumhare sawaal aur shikaytein agar yunhi badhti rahi toh ek baat bata deta hoon.. 'wade' mere liye koyi khas mayne nahi rakhte.. main kisi bhi wade ko todne se nahi hichkoonga agar tumne meri ek bhi baat nahi maani toh... jao bathroom mein jakar isko pahan lo.. !" Nitin ne kaha aur darwaja band karne laga....

Aankhon mein aansuon ka samandar samete Shruti bathroom mein chali gayi....

Shruti bahar aayi toh uske hushn ka jalwa dekhte hi ban raha tha.. Nighty uske badan chipki huyi har hisse ko ujagar si kar rahi thi. Sharmindagi aur jillat se taar taar ho chuki Shruti sir jhukaye baar baar apni nighty ko neeche kheenchne ki koshis karti par uski chhatiyon ka uthan nighty ko wapas upar kheench leta... aur uski lagbhag nangi chikni jaanghein fir se dekhne wale ko pighalne ke liye majboor sa karne lagti...

Wah subak rahi thi...

"haye.. iss jawani par koun nahi mar mitega.. main toh faansi par bhi chadhne ko taiyaar hoon.." nitin ne usko dekh kar muskurate huye kaha..," Ek baar aur bus!"

"Nahi.. mujhe hath bhi mat lagana pls.. main pahle hi toot chuki hoon.. mujhe marne par majboor mat karo!" Shruti bilakhte huye boli...

"main majak kar raha tha.. ab ye rona dhona chhodo.. aur rohan ke kamre mein jao!" Nitin achanak serious ho gaya....

"kya? aise?" Shruti chounk padi.. aur aascharya se Nitin ki aankhon mein dekha...

"haan.. aise.. aao, bister par aakar baith jao.. Main samjhata hoon ki tumhe kya karna hai...aaj maine tumhe rohan ke liye hi taiyaar kiya hai.. ab ye mat kahna ki uske sath bhi nahi karoongi kuchh.. main pahle hi bahut sabra kar chuka hoon.. ab jyada sahan nahi hoga mujhse.. aur dhyan rakhna ye hamare plan ka sabse jaroori hissa hai.." kahte huye Nitin usko sari baat samjhane laga... Shruti nistabdh si wahin khadi khadi uski baatein sunti rahi...

Shruti kampte huye kadmon se bahar nikal kar Rohan ke bedroom ki aur badhi.. kuchh door jakar usne pichhe mudkar dekha; Nitin darwaje par khada uski aur hi dekhkar muskura raha tha.. najrein ghuma wah seedha chalti huyi Rohan ke bedroom ke darwaje par pahunchi aur hulke se darwaja khatakhataya..

"koun?" andar se rohan ki aawaj aayi..

"Main hoon Shruti.. pls darwaja kholo!" Shruti ke bolte hi Nitin ne apna darwaja band kar liya...

Rohan darwaja kholte hi Shruti ko dekhkar chounk pada.. rone ki wajah se uski aankhein laal ho gayi thi aur wah bhay mein kaamp si rahi thi," Kya hua Shruti? kya hua tumhe?"

Bina ijajat liye hi Shruti andar ghusne lagi toh Rohan ne hatkar usko raasta de diya. par jaise hi Rohan ne light on ki wah dusri baar chounka,"ye..." par wah baat kha gaya..

Shruti ka pahnawa dekhkar aur uss pahnawe mein usko apne paas dekh kar Rohan ka achambhit hona lajimi tha. Dress mein wo jaise bina kuchh pahne hi khadi lag rahi thi.. Uske ang ang ki sthiti ka Rohan ko andaja upar se hi ho raha tha aur kamar se jara neeche ke baad toh andaja lagane ki bhi jarurat nahi thi.. wahan se toh wo thi hi nangi. Rohan ne kabhi Shruti ko iss tarah ki ladki ke roop mein nahi jana tha.. Shruti toh uske saamne pahle hi sir jhukaye khadi thi.. Sharminda sa hokar rohan bhi jyada der tak usko nahi dekh paya.. apna chehra dusri aur karke bola," kya hua Shruti? iss samay yahan...?"

"wwo.. mujhe bure sapne aa rahe hain.. mujhe darr lag raha hai.." Shruti ne jawaab diya....

"ohh.. sapno se darne ki kya jarurat hai.. thoda pani pi lo aur so jao..." table par rakhe jag se Rohan ne gilas mein pani dala aur ek taraf dekhte huye Shruti ko pakda diya..

"Mujhe sach mein bahut darr lag raha hai Rohan.. main.. main yahi so jaaun kya?" Shruti ne thartharate labon se baat poori ki...

"yahan? tumhe lagta hai ye theek rahega?" Rohan almari mein kuchh dhoondhta hua bola...

"par mujhe darr lag raha hai.. main akeli nahi so sakti...!" Shruti ne jor sa dekar kaha.. Nitin ne usko kaha tha ki agar wapas aa gayi toh uske paas sona padega..

Rohan Almari se chaddar nikal kar laya aur usko Shruti ke kandhon par daal kar uske charon aur lapet diya..," aao, baitho!"

Rohan ke chadar lapetne ka abhipray jaan Shruti sharm se pani pani ho gayi.. sapast tha ki Rohan ko uska 'ye' pahnawa hargij pasand nahi aaya tha.. tees bhari ek saans Shruti ke andar se bahar nikli.. kahan Rohan hai aur kahan Nitin! Rohan ki iss ek ada ne shruti ko hamesha hamesha ke liye uski deewani bana diya.. hajaron duaayein deta hua Shruti ka dil uss par nyochhawar ho gaya...

pair neeche latkaye huye hi wah bister par baith gayi.. kafi der tak kamre mein chuppi chhayi rahi.. Shruti ne kamre mein charon aur najar doudayi aur usko 'fancy light' ke sath juda camra dhoondhne mein koyi dikkat nahi huyi.. camra bistar par hi focus kiya hua prateet ho raha tha... Nitin ne uske baare mein pahle hi batate huye Rohan ke sath ***** na karne par parinaam bhugatne ki chetawani bhi di thi..

Shruti ko ab Rohan se pyar karne mein kisi tarah ki koyi dikkat nahi thi.. bulki ab toh yah uska sapna sa ban gaya tha.. ab Rohan hi uska pahla aur aakhiri pyar tha.. par Rohan ka vyaktitav hi aisa tha ki Shruti ko samajh nahi aa raha tha ki shuruaat kaise kare..

"so jao!" rohan ne kaha aur doosri aur karwat lekar kar late gaya..

"Ek minute..!" Shruti ne deewar ke sath lagte huye apni taangein seedhi bisar par faila li.. Ye sab usne iss tarah se kiya ki chaddar uski kamar tak rah gayi aur uski nangi chikni jaanghein poorn roop se anawrit ho gayi.. itni upar ki rohan agar karwat uski aur le leta toh wah gulabi panty ke kinaron ko bhi saaf dekh sakta tha..

"humm.." rohan dusri aur munh kiye huye hi bola..

"idhar ghoom jao na pls.." Shruti ne kahte huye Rohan ki taraf wali taang ko ghutne se mod liya..

Rohan ne jaise hi karwat badli, Shruti ka ye roop dekhkar wo bhadak gaya," Shruti.. mujhe tumhari ye harkat katayi pasand nahi hai.. maine tumhe achchhi ladki samjha tha.. ye sab bakwas band karo ab!"

"Mujhse 'pyar' kar lo na pls.. main tumhare liye tadap rahi hoon.. jane kitne dino se.." Apne dil ko patthar sa banate huye Shruti ne ye sab kaha aur Rohan se lipat jane ke liye uski aur lapki.. Rohan uski iss harkat par hatprabh tha.. Dhakka sa dekar usne Shruti ko waps patak diya..,"Pyar! tum jaisi ladkiyan samajhti bhi hain ki pyar aakhir hota kya hai.. ***** ki santusti ko tum pyar maanti ho... aur dawa karti ho ki hum janam janam ke sathi hain.. dhikkar hai tumhe.. Nitin bhai ne theek hi kaha tha.. ye tum baap beti ki hi sazish thi.. sharm aani chahiye tumhe.. apne shareer ko mujhe sounp kar tum ye sabit karna chahti ho ki tum mujhse pyar karti ho... abhi ke abhi nikal jao yahan se" Rohan ka chehra krodh ke maare tap gaya tha aur aankhein jaise angaare ugal rahi thi..

Shruti ke paas bolne ke liye kuchh tha hi nahi.. jo tha wo wah bol nahi sakti thi.. Sharm se gardan jhuk jane par bhi wah hath jod kar aansoo bahati huyi yahi prarthna karti rahi.." pls rohan.. mujhse pyar kar lo.. yahan se mat nikalo pls! mujhse pyar kar lo..."

Rohan ke sabra ka bandh toot gaya.. gusse se wah utha aur shruti ka hath pakad kar lagbhag kheenchte huye wah bahar le gaya.. Dhakka sa diya aur apna darwaja band kar liya.. ek do baar Shruti ne hulka sa darwaja pita aur karahte huye wahin ghutno ke bal baith gayi.. vilaap sa karte huye...

Rohan ka dimag chakra raha tha.. samajh mein nahi aaya ki kya kare.. achanak utha aur bahar nikal kar jabardasti sa Shruti ko uthakar uske kamre mein chhod aaya aur bahar se kundi laga di.... shruti bilakhti rah gayi...

Kafi der tak Shruti yunhi aansoo bahati deewaron ko ghoorti rahi.. uske paas ab uska kuchh nahi bacha tha.. pyar mila bhi toh aadha adhoora!

Achanak usne apne purse mein se ek taraf se kora ek kagaj aur ek pen nikala aur aansuon se kagaj geela karte huye usspar kuchh likhne lagi...

----------------------------------------------------------

Agli subah subah ek cheekh sunkar bister se uthne ki taiyari kar raha Rohan chounk kar bahar nikla.. Noukar Shruti ke kamre ke bahar khada tha aur apne dono hathon se apna sir pakad rakha tha," Sahab.. mem'saab!"

Rohan bhagta hua uss taraf gaya," kya hua?" par andar jhankne ke baad usko dobara poochhne ki jarurat hi na padi.. Shruti ki lash andar pankhe se latki jhool rahi thi....

Agle hi pal Rohan ko apna dimag chakrata hua mahsoos hua. Usi ek pal mein pichhli Raat uske aur Shruti ke beech mein jo kuchh bhi hua, sab uski aankhon ke saamne ghoom gaya. Shayad Rohan iske liye khud ko jimmedar maan chuka tha. Jaise taise usne deewar pakdi aur apne sir ko hathon mein daboche neeche baithta chala gaya.

Paas khada noukar hairat se kabhi Shruti ke shareer ki aur; kabhi rohan ki aur dekhta raha. Achanak uski samajh mein nahi aaya ki kya kare aur kya na kare. Ravi, Aman aur shekhar neeche soye huye the.

Noukar ne neeche jakar Aman ko batane ki sochi hi thi ki Nitin apne room se bahar nikla. Rohan ko iss halat mein baithe dekh wah tezi se uski aur aaya aur Shruti ke bedroom mein jhankte hi uske munh se nikla,"Oh My God!"

Nitin lagbhag bhag kar bed par chadha aur Shruti ke shareer ko uski jhanghon ke kareeb se pakad kar upar utha liya," Idhar aao, Meri madad karo jaldi!" Usne Noukar ko aawaj di.

"Shit! She is no more!" Nitin ne aah bhari aur ek ghutna uski lash ke paas tika apni aankhon se aansoo pouchhe..

Tab tak Rohan bhi kamre mein aa chuka tha. Usne Nitin ke kandhe par hath rakha. jaise hi Nitin uski taraf ghooma, Rohan uss'se lipat gaya," Bhai! ye maine kya kar diya?"

Noukar Rohan ki baat sunte hi chounka.. bina der kiye wah neeche ki aur khisak liya..

"kya matlab? matlab tumne ye sab...?.. magar kyun yaar?" Nitin ne Rohan ki aankhon mein jhanka..," Ye kya kiya tumne?"

"haan bhai.. maine hi.. maine hi usko marne ke liye majboor kar diya..!" Rohan aansoo bahate huye bolta ja raha tha," Raat ye mere kamre mein aayi thi.. Main khud se milan ki iski bekarari ko hawas ki bhookh samajh baitha.. 'ye' bechari toh apne barson purane 'adhoore pyar' ko poora karne aayi thi.. aur maine isko jane kya kya kah diya.. be-ijjat karke nikal diya isko, apne kamre se! " kahte huye wah iss jahan se rukhsat ho chuki shruti se lipat gaya...aur foot foot kar rone laga...

"Sambhalo apne aapko yaar.. tum khud ko iske liye doshi kyun maan'te ho? tumne sirf isko kamre se hi nikala tha.. marne ke liye toh nahi bola na!" Nitin ne uski Shruti ke jishm se alag kiya..

"par bhai! ye mujhse kitna pyar karti hogi.. kya kar liya isne? Dekho toh! aaaaaaaaa..aaaaaaaaa" Rohan ka krun rudan poori kothi mein fail gaya...

Tabhi kamre mein Aman, Shekhar aur Ravi ne pravesh kiya.. sabhi ko khabar lag chuki thi.. bhannaye huye sabhi aakar Bister ke paas khade ho gaye...

"ye kya ho gaya yaar? kaise hua ye sab?" Aman ne jhallate huye bola...

" Ye mujhse pyar karti thi bhai.." Rohan ne bolna shuru kiya hi tha ki Nitn uski aawaj ko daba khud sab kuchh batane laga.. Ravi gour se bolte huye Nitin ke chehre ki aur hi dekhta ja raha tha...

"Oh my god!" poori baat sunkar Aman aur shekhar ke munh se nikla...," ye toh bahut bura hua? ab kya karein!" Aman Shruti ke baare mein baat kar raha tha...

"Ab kya kar sakte hain?" Ab toh isko ghar pahunchane ki taiyaari karo!" Ravi ke munh se nikla....

"Nahi! isko ghar par nahi bhej sakte.. ye apne baap se jhooth bolkar aayi thi.. ki college ke tour par ja rahi hai.. iska kuchh aur hi karna padega!" Nitin ne apni rai di..

"Nahi.. Main lekar jaaunga isko.. iske ghar! iski chita ko agni doonga.. ab bhi kya main iske pyar ko najarandaj kar doon..!" Rohan bhawuk ho gaya tha...

"Ab filmi baatein chhod de yaar.. jo hona tha wah ho chuka.. Nitin sahi kah raha hai.. Hamein isko thikane lagane ke baare mein sochna chahiye.. warna sab par musibat aa sakti hai..." Ravi ne Rohan ko kaha...

Rohan bilakhta hua fir se Shruti se lipat gaya," Nahi! jo kuchh hoga, main bhugat loonga.. par isko iske ghar tak main lekar hi jaaunga.... Iski aatma ko fir se nahi bhatakne nahi doonga main...!"

"Very good!" Darwaje par shakht aur paini aawaj sunkar sabhi chounk kar palte.. Wardidhari inspector ek pyade ko sath liye darwaje par khada tha.. Sabhi ke khade hone par wah tahalta hua andar aaya aur kuchh der gour se Shruti ki lash ko dekhta raha..," toh ladkiyon ki aatma se khelte hain aap log?" Inspector ne bari bari charon ko shurkh najron se ghoora....

"Ek minute.. Sir.. aap meri baat suniye..!" Nitin ne kaha toh inspector ne usko apni ungali seedhi kar rukne ka ishara kiya," kafi der se tum sab ki hi sun raha hoon.. Servant kidhar hai...?"

"Ek minute!.." Aman kahte huye bahar nikal gaya aur balcony mein khade hokar aawaj lagayi..

Noukar agle hi pal Inspector ke saamne tha..," Ji.. sir!" uski aawaj kaamp rahi thi..

"daro mat Raju.. sab khul kar batao kya hua hai yahan par...!" Inspector ne poochha...

"Mujhe kuchh nahi pata sahab.. main toh raat se neeche tha.. sach mein!" Noukar ne beech mein gala saaf karke baat ppori ki...

"Toh fone kyun kiya tha ulloo ki dum? main kah raha hoon na.. kisi se darne ki jarurat nahi hai... mere andar kiye huye saja poori karne se pahle bahar nahi aate.. aur tab tak toh ye chehra bhi bhool chuke honge tumhara.. rahi noukri ki baat.. toh tumhari chori ki aadat ke bawjood main tumhe fir se apne ghar rakhne ko taiyaar hoon.. ab seedhe seedhe sari baat samjhao mujhe.... warna sabse pahle tumhari thukayi hogi ab!" Inspector ne do took baat kahi aur Noukar ki gardan neeche ho gayi... usne toh request bhi kari thi ki mera naam saamne mat aane dena.. par inspector ne police aur mukhbir ke rishte ko nahi nibhaya...

"aap hamari bhi baat sun lijiye ek baar.. isko poori baat ka nahi pata..!" nitin ne fir se inspector ko toka... Baki chupchap khade noukar aur inspector ko dekh rahe the...

"Sabki suni jayegi...! bolo Raju!" Inspector ne Nitin ki baat ko tawajjo nahi di...

"mujhe jyada nahi pata sahab.. main subah mem'saab ko chay dene aaya tha.. darwaja khatkhataya toh pata laga ki wo toh khula hua hai.. fir bhi maine 2-4 baar aawaj dekar dekha.. par madam ne koyi jawab nahi diya..." kahkar Noukar ruk gaya...

"Fir..?" Inspector ne Raju ki chhati par danda rakh diya...
______________________________

b:if cond='data:view.isPost'>                                                                   

If you want to comment with emoticon, please use the corresponding puncutation under each emoticon below. By commenting on our articles you agree to our Comment Policy
Show EmoticonHide Emoticon

हमारी वेबसाइट पर हर रोज नई कहानियां प्रकाशित की जाती हैं